मैफिल

रंगलेल्या मैफिलीची,ती त-हा मज न्यारी होती,
मी दिलेली वेदना, माझ्याहुनीही प्यारी होती,
वाहव्वा!जल्लोश होता,शब्दशब्दा दाद होती,
न जाणे कोणत्या सुरेने,झिंगलेली सारी होती।
मी दिलेल्या आसवांचे,शब्दमोती होत होते,
बाजारी अन मैफिलीच्या, लिलाव त्यांचे होत होते,
शुष्क डोळ्यांनी उभी गर्दीतली मी एक होते,
गणगोत ते तुजभोवती,दुर्लक्षित मी होत होते।
होष घेऊनी जाण्या तुझा,वेदनेची साकी होती,
माहित नव्हते तुला,ती कहाणी बाकी होती,
रिक्क्त ओंजळीत माझ्या,आसवांची ओल होती,
कैफियत माझीच ती,माझ्यापरी एकाकी होती।